Anperum Yeshuvin Sneham- Lyrics in Malayalam

ആലാപനം‌ : കെസ്റ്റര്‍

അന്‍പേറും യേശുവിൻ സ്നേഹം ആശ്ചര്യം
തുൻപങ്ങൾ എറിടുമീ ജീവിതം സദാ
അന്‍പാര്‍ന്നു പാടുവാൻ ഉണ്ടനവധി 
എമ്മാനുവേലവൻ ചെയ്ത നൻമകള്‍

ആ സ്നേഹമേ എത്ര മാധുര്യം
ആ നാമമേ എത്ര ആനന്ദം

എൻ പാപം പോക്കുവാൻ മന്നിൽ വന്നവനേ
നിൻ പാദ സേവയാണെൻ പ്രമോദമേ
വൻ പരിശോധന ഉണ്ട്  ജീവിതേ
പൊന്നു മഹേശനേ നിൻ കൃപ മതി

പാരിലെ കഷ്ടങ്ങൾ ഓർക്കുകില്ല ഞാൻ
പാലകൻ യേശു എൻ കൂടെയുള്ളതാൽ
പാലിക്കും സ്നേഹിക്കും പ്രാണ വല്ലഭൻ
പാവന ജീവിതം നൽകിടും സദാ

ഈലോക ജീവിതം പുല്ലിനു തുല്യം
സ്വര്‍ലോക വാസമോ എത്ര മാധുര്യം  
മിസ്രയീം നിക്ഷേപം പിന്നിൽ തള്ളീടാം 
അവൻ നാമഹേതുവാം നിന്ദ സമ്പത്തായ്‌  എണ്ണാം