ക്രൂശിൻ നിഴലിൽ നീറും മുറിവിൽ
മനം പാടി നിൻ സ്തോത്രം
വീഴും വഴിയിൽ താഴും ചുഴിയിൽ
മിഴി തേടി നിൻ രൂപം
ഇടം വലവും ഇരുൾ പെരുകി
ഇല്ല വേറൊരാള്‍ എന്നെ
ഒന്നു താങ്ങുവാൻ നാഥാ
----- ക്രൂശിൻ
നിഴലിൽ
സീയോൻ വഴിയിൽ സ്നേഹം തിരഞ്ഞ്
ഒരുപാട് നീറി ഞാൻ
ഭാരം ചുമന്നും രോഗം സഹിച്ചും
മിഴിനീര് തൂകി ഞാൻ
മുള്ളിൽ കുടുങ്ങി തേങ്ങി കരയും
ഒരു പാവമാണ് ഞാൻ
എന്നെ തിരക്കി തേടി വരുവാൻ
പ്രിയനേശു നീ മാത്രം ---- ക്രൂശിൻ
നിഴലിൽ
ന്യായം ശ്രവിക്കാൻ ആളില്ലാതായി
ഞാൻ എന്റെ നാവടക്കി
നീതി ലഭിക്കും വേദിയില്ലാതായ്
വിധിയേറ്റു വാങ്ങി ഞാൻ
പിഴ നിരത്തി തോളിൽ ചുമത്താൻ
പ്രിയ സ്നേഹിതരും ചേര്‍ന്നു
എന്നെ കുരുക്കാൻ തീര്‍ത്ത കെണികൾ
എന്റെ യേശു ഭേദിച്ചു ----- ക്രൂശിൻ
നിഴലിൽ
