ആലാപനം : കെ. ജി. മാര്‍ക്കോസ്
ആല്‍ബം : സുഹൃതം
പാലസ്തിനായില്‍ നിന്നുയരും വചനത്തിന്‍
മാറ്റൊലി ഉയരുന്നു മാറ്റൊലി ഉയരുന്നു
അദ്ധ്വാനിപ്പവരെ എന്നും പീഡിതരായവരെ
ദുഖിതരായവരെ എന്നും മര്‍ദ്ദിതരായവരെ
എന്നരുകില്‍ നിങ്ങളും വരുവിന്‍ ആശ്വാസം പകരാം
എന്‍ വഴിയില്‍ നിങ്ങളും വരുവിന്‍ ആനന്ദം നുകരാം
ബെര്‍തെമിയുസിന്‍ അന്ധത നീക്കി
തളര്‍വാത രോഗിക്ക് സൌഖ്യമേകി
ലാസറിനായ് നീ പുതുജീവന്‍ നല്‍കി
ചെകിടര്‍ക്ക് നീ എന്നും നാദമേകി
ദാവീതിന്‍ പുത്രനാം യേശുനാഥാ
രോഗിയായി ഞാനിതാ നിന്റെ മുന്‍പില്‍
നിന്‍ ദിവ്യ സൌഖ്യത്തിന്‍ വലതുകരം നീ
എനിക്കായ് നീട്ടണേ ദൈവപുത്രാ
അനുതപിച്ചീടും കള്ളനുപോലും
പറുദീസാ വാഗ്ദാനമായി നല്‍കി
പാപിനിക്കായ് നീ മോചനമേകി
സമരിയക്കാരിക്ക് ശാന്തിയേകി
പാപിയെ സ്നേഹിക്കും യേശുനാഥാ
പാപിയായ് ഞാനിതാ നിന്റെ മുന്‍പില്‍
പാപത്തിന്‍ മോചനം നല്‍കുവാനായി നീ
അരുകില്‍ വരേണമേ മനുഷ്യപുത്രാ