മകനേ നീ എന്‍ പ്രാണന്‍വില

  

മകനേ നീ എന്‍ പ്രാണന്‍ വില
എന്നെന്നും നീ എന്റെതു മാത്രമേ

എന്‍ ചങ്ക് തകര്‍ത്തും നിന്നെ സ്നേഹിച്ചു

എന്‍ ചോര ചൊരിഞ്ഞും നിന്നെ സ്നേഹിച്ചു
ആ ശാപമാം ക്രൂശില്‍ ഞാന്‍ തൂങ്ങപ്പെട്ടല്ലോ

മതിയാവാതേ പ്രാണനും നല്‍കി
                      ----- മകനേ നീ എന്‍

എന്‍ തലയില്‍ മുള്‍മുടി ചൂടി
നിന്ദകളേറെ ഞാനേറ്റു
കൈപ്പുനീര്‍ തന്നു പാനം ചെയ്യുവാന്‍
നിന്‍ പേര്‍ക്കെന്‍ കൈകാലുകള്‍ പാടുകളേറ്റല്ലോ
അത്രമേൽ നിന്നെ സ്നേഹിച്ചു - ഞാൻ
അത്രമേൽ നിന്നെ സ്നേഹിച്ചു
                      ----- മകനേ നീ എൻ

ദൂരത്തെങ്ങോ നീ പോയി
നിന്നരികിൽ ഞാൻ വന്നല്ലോ
നിൻ പിഴകൾക്കെല്ലാം ക്ഷമയും ഞാൻ നൽകി
നിൻ പാപ കറയെല്ലാം നീക്കിയകറ്റി ഞാൻ
നിന്നെ എൻ സ്വന്തമാക്കിയേ - ഞാൻ
നിന്നെ എൻ സ്വന്തമാക്കിയേ
                      ----- മകനേ നീ എൻ